تحليل ومناقشة الاعلان الثالث للفيلم المُنتظر Avengers Endgame

تحليل ومناقشة الاعلان الثالث للفيلم المُنتظر Avengers Endgame

و زي ما قولت الاعلان لازم هيظهر فيه ثانوس .. تناول الاعلان بعض الاشياء

- في بداية الاعلان ظهر بروس بانر و رودي و ثور و ناتاشا بيتكلموا عن كيفية تنفيذ المهمة .. بروس بانر قال : احنا عددنا قليل عشان ننفذ المهمة دي .. و رد رودي : ده ببساطة لان ثانوس قتل كل صحابنا و متبقاش غيرنا

و كان رد ناتاشا : ان حتة لو قرصة النجاح ضئيلة فإحنا مدينين لنفسنا و للعالم بأننا نحاول نرجع الامور لما كانت عليه

- توني بيظهر في الكوبليه التالي بيقول : الموضوع مش موضوع احنا خسرنا ايه .. الموضوع فاضلنا ايه بعد للي خسرناه .. و بيظهر في الكادر توني بيحضن بوتس و من الواضح ان اللقطة دي توني كان لسه راجع الارض و بوتس كانت في استقباله .. و فنفس الوقت روكيت قاعد مع نيبيولا و ماسكين ايدين بعض .. في اشارة انهم بيحاولوا يدعموا بعض نفسيا

- بيظهر في نفس الكادر حاجتين .. بدلة ايرون مان الجديدة Mark 85 و للي بتعتبر حسب الكوميك بوك فانز اقوي بدلة ابتدعها توني ستارك و قادرة علي تحمل معارك هائلة .. و الحاجة التانية بيظهر كلينت بارتون علي ذراعه وشم التنين .. اشارة.واضحة ان كلينت هيتقن الفنون القتالية للنينچا و ده هيبقي سبب رئيسي في تحوله لرونين Ronin و ده يفسر ظهوره ببدلة رونين في الاعلان الثاني

- بيكمل الكادر بتوني بقول : احنا الافنجرز صح ؟ .. لازم ننهي الامر .. بعدها بيظهر توني و ستيڤ قدام بعض و بيسأل توني ستيڤ : واثق فيا ؟ .. و بيرد ستيڤ : بثق فيك و بيسلموا علي بعض و دي اشارة ان الاتنين تخطوا خلافاتهم في الحرب الاهلية و بيظهر قبلها كادر كامل بيجمع الافنجرز كلهم و هما بينظروا في اتجاه واحد و يبذوا انهم بينظروا لكارول و هي بتتكلم

- بتستمر الموسيقي الملحمية المعتادة لاعلانات مارڤل و بتظهر في الكادر مركبة حراس المجرة و هي بتسافر بسرعة الضوء .. و راكب علي متنها في الكادر ( ستيف - كارول - ناتاشا - رودي - روكيت - نيبيولا - ثور )

- بيطلع صوت ثانوس اخيرا مع ظهور مركبته الحربية الكبيرة :( مقدرتوش تتعايشوا مع فشلكم .. و ده للي رجعكم ليا تاني) .. و بيظهر ثانوس في درعه الكامل و هو واقف قدامهم وسط حطام و بيجيب الكادر ( توني - ستيف - ثور ) من ظهرهم قدام ثانوس

....................................................

نستنتج من ده ان الافنجرز .. رايحين في مهمة انتحارية لملاقاة ثانوس و اعادة الامور لنصابها .. المعركة قذ تكون علي تايتن لان الحطام هناك شبيه بالحطام في انفينيتي وور

و ممكن يكون كوكب زاندار لان الحطام شكله حديث التدمير

الفيلم المرة دي هيكون درامي و ساوداوي جدا .. هتشوفوا كآبة سودة .. و منستبعدش الدموية البسيطة

- مارڤل ذكية جذا و قدرت تدينا تيزر و 3 اعلانات مشاهدهم ملهاش اي علاقة ببعض .. محاولة بناء النظريات و لصقها ببعض هتفشل في كل الاحوال

- السبب ان مارڨل بتعتمد علي الfake screen و المشاهد المزيفة في التريلر عشان المشاهد يتفاجئ في الفيلم بحاجة مختلفة .. يعني مثلا اول اعلان و تيزر جابولك توني في مأزق و مش عاوف يرجع ... تاني اعلان جايبين الافنجرز جاهزين للدخول العالم الكمي و توني و نيبيولا معاهم

تالت اعلان جايبنهم مسافرين بسرعة الضوء لكوكب زاندار لمحاربة ثانوس

و من 4 ايام حطوا صورة ڤالكيري ضمن اللس لسه عايشين من بعد Thanos's Snap

تباعد كبير بين الاعلانات يبينلك ان القصة كبيرة و فيها تخمة من الاحداث